ප්‍රාදේශීය ලේකම් කාර්යාලය - කුණ්ඩසාලේ

තොරතුරු ලබාගත හැකි ආකාරයන්

යම් පුරවැසියෙකුට තොරතුරු ලබාගැනීම සඳහා කරන ලද ඉල්ලීමකට ඉඩ ලබාදී ඇති අවස්ථාවක එම පුරවැසියාට ආකාර කිහිපයකින් තොරතුරු ලබාගැනීමට අයිතියක් ඇත.

1. අදාළ වැඩ අධීක්ෂණය කිරීමෙන් - යම් වැඩ බිමක හෝ ස්ථානයක කෙරෙන කාර්යය ඔහුට නිරීක්ෂණය කළ හැකිය.

2. ලේඛණ වාර්තා අධීක්ෂණය කිරීම- යම් ලේඛනයක්,වාර්තාවක්,ලිපිගොනුවක්,ඔහුට පරීක්ෂා කර කියවා බැලිය හැකිය

3. අදාල ලේඛන හෝ වාර්තාවලින් සටහන් හෝ උදෘත ඔහුට පිටපත්කරගත හැකිය.                         

4. ලේඛන හෝ වාර්තාවල අඩංගු ලියවිලිවලින් -සහතික කළ පිටපත් ඔහුට ලබාගත හැකිය.

5. ද්‍රව්‍යවල සහතික කළ නිදර්ශක ලබා ගැනීම-ගබඩා භාණ්ඩයක්,කොන්ක්‍රීට් මිශ්‍රණ සාම්පලයක් ආදී වශයෙන් ඔනෑම ද්‍රව්‍යයක සහතික කළ නිදර්ශක ලබාගැනීමට හැකිය.

6. පරිගණකයක හෝ වෙනත් උපාංගයක තොරතුරු ගබඩාකර ඇති අවස්ථාවක,ෆ්ලොපී ඩිසකට්,දෘෂ්‍ය කැසට්පට හෝ වෙනත් විද්‍යුත් ක්‍රමයකින් (CD/DVD) හෝ මුද්‍රිත පිටපත් වශයෙන් එම තොරතුරු පුරවැසියෙකුට ලබාගත හැකිය.

තොරතුරු ඉල්ලා සිටිය හැක්කේ කෙසේද?

• ඉල්ලුම්පතක් පිරවීමෙන් (R TI 01) හෝ,
• ඉල්ලීම් ලිපියක් ඉදිරිපත් කිරීමෙන් හෝ,
• වාචික ඉල්ලීමකින් හෝ,
• ෆැක්ස්, ඊ-මේල්, විද්යුත් මාධ්‍ය මඟින් හෝ ඉල්ලීම් ඉදිරිපත් කල හැකිය.

තොරතුරු ඉල්ලා සිටින්නේ කාගෙන්ද?

ඔබ තොරතුරු ඉල්ලා සිටිය යුත්තේ තොරතුරු නිලධාරියාගෙනි,

කෞෂල්‍යා එස්. ධර්මපාල

සහකාර ප්‍රාදේශීය ලේකම්

070-2335904 / 077-7335904

තොරතුරු ලබාදීම ප්‍රතික්ෂේප වන්නේ ඇයි?

• පෞද්ගලික තොරතුරු

• ආරක්ෂිතබව, රටේ භෞමික අඛණ්ඩතාව හා ආරක්ෂාවට හෝ රජයේ ආර්ථීක හා මූල්‍ය ප්‍රතිපත්තීන් සඳහා බලපෑමක් ඇති තොරතුරු

• බුද්ධිමය දේපල පනත යටතේ ආරක්ෂාකාරි විධීවිධාන

• තුන්වන පාර්ශවයකට අයත් තොරතුරු එම පාර්ශවයේ එකඟකතිවය නොමැති විට

• අධිකරණයට අපහාස වන හෝ අධිකරණයට බලපෑමක් වන තොරතුරු

• විවිධ ආයතන හා නීති ප්‍රතිපාදන යටතේ රහසිගතව පවත්වාගෙන යායුතු තොරතුරු...ඉල්ලීම් ප්‍රතික්ෂේප වෙයි.

අභියාචනාවක් ඉදිරිපත් කර හැහි අවස්ථා

• තොරතුරු ඉල්ලීම භාරගැනීම ප්‍රතික්ෂේප කිරීම
• තොරතුරු ප්‍රවේශයට අවස්ථාව ලබා නොදීම
• කාලසීමාවන්ට අනුකූල වීමය
• තොරතුරු අසම්පූර්ණ හා සාවද්‍යවීම
• වැඩිපුර ගාස්තු අය කිරීම
• තොරතුරු විකෘති කිරිම සිදු වුවහොත්......?

• ඉල්ලුම්කරුට දින 14ක් තුළ නම් කල නිලධාරියා වෙත RTI 10 පෝරමය පුරවා දීම මඟින් අභියාචනයක් ඉදිරිපත් කල හැකිය
• අභියාචනය සම්බන්ධ තීරණයෙන් අගතියට පත් පුරවැසියෙකුට එම තීරණය ලැබී මාස 02ක් තුළ තොරතුරු අයිතිවාසිකම් කොමිෂන් සභාවට අභියාචනයක් කිරීමට හැකිය.